Getroud met Rugby: 17 – 21 Oktober 2016

Maandag 17 Oktober:
Lorette en Blitz besluit om vir Gideon en Reitz van hulle verhouding te vertel. Renate sukkel om ou wonde te laat genees. Fafa word gekonfronteer met Maryke se nuwe geluk.



Dinsdag 18 Oktober:Sasha help vir Chrissie met matriekafskeid-voorbereidings. Die nuus oor Blitz en Lorette kom by Reitz uit. Renate kry ’n verrassing uit haar verlede. Fafa maak vrede met Maryke se keuse.

Woensdag 19 Oktober:
Reitz sukkel nog om vrede te maak met Blitz en Lorette. Tommie kry ’n opdrag van sy borge af wat hom moedeloos laat en Chrissie kry uiteindelik haar rok vir die matriekafskeid.

Donderdag 20 Oktober:
Blitz probeer met Reitz praat oor Lorette terwyl Sasha hom ook probeer oortuig dat Blitz die regte ou vir sy sussie is. Nina het ’n verrassing vir Chrissie. Tommie sukkel met sy vlog.

Vrydag 21 Oktober:Reitz probeer Tommie moed inpraat. Maryke kry groot nuus oor die pompoms. Chrissie is opgewonde oor haar groot aand. Denver moet finaal besluit of hy die verlede kan agterlaat.

Binnelanders: 17 – 21 Oktober 2016

Maandag, 17 Oktober:
Pippa doen self-ondersoek. Die Ferreiras kry dalk ‘n nuwe intrekker. ’n Gesprek tussen Bronwyn en Steve handel duidelik nie oor hulle nie. Karli dring aan op ’n inspuiting.


Dinsdag, 18 Oktober:
Wilmien is seker daarvan dat Conrad nie in haar belangstel nie. Ilse vra Okkie om spangees aan die dag te lê. Conrad hunker na eenvoudiger dae. Marissa word op haar plek gesit.

Woensdag, 19 Oktober:
Naomi probeer Annelize oorreed om op te hou spioeneer. ’n Teddiebeer in die verkeerde hande lei tot groot moeilikheid. Bronwyn sien iets wat sy liefs nie moet sien nie.

Donderdag, 20 Oktober:

Conrad kom tot nuwe insigte. Bronwyn probeer agter die kap van die byl kom. Pippa waarsku ’n verpleegster. Louis neem iets onaangenaams waar. Annelize rig ’n desperate pleidooi aan Bronwyn.

Vrydag, 21 Oktober:
Marissa word getoets. Pippa stem nie saam met Conrad se keuse nie. Naomi moet vinnig dink om nie in die moeilikheid te beland nie. Jana is terug van oorsee af.

Wurms in honde en katte

INLEIDING

Wurms is sekerlik van die mees onderskatte oorsake van siekte en dood in honde en veral jong hondjies word hierdeur geraak.  Een van die mees algemene vrae wat deur troeteldiereienaars gevra word is hoe gereeld hul diere ontwurm moet word.  Die algemene beginsel is om jong diere op 3 weke, 6 weke en dan maandeliks te ontwurm tot op 6 maande.  Hierna kan diere elke 6 maande ontwurm word.  Soms is dit nodig om selfs meer gereeld te ontwurm.  Die volgende faktore sal die frekwensie van ontwurming verhoog: 

• Hoë reënval
• Kontak met vreemde diere
• Meer as een dier aangehou en
• Diere word buitenshuis aangehou.

---

HAAKWURM

Hierdie is by verre die gevaarlikste wurm wat veral in klein hondjies vrektes veroorsaak.  Die volwasse wurms leef in die dermkanaal van die hond waar hulle aan die slymvlies vasheg en bloed suig.  Dit veroorsaak bloedarmoede wat dan die dier se dood kan veroorsaak.  Die meeste honde word besmet deurdat die besmetlike larwes die hond deur die vel binnedring maar die diere kan ook mondelings besmet word.  Klein hondjies word besmet deur die melk van die moeder (baie algemeen) maar kan selfs al in die baarmoeder besmet word.

'n Mikrofoto van die monddele van die haakwurm van honde, Ancylostoma caninum.

Dit is interessant om te kyk na die lewenssiklus van die wurm waar dit die hond deur die vel binnedring:  Eerstens lê die volwasse wurms eiers wat in die mis van die hond uitgeskei word en dan buite die hond tot besmetlike larwes ontwikkel.  Die larwes dring dan die dier deur die vel binne, migreer deur die limfvate en bloedvate tot in die hart, vanwaar hulle d.m.v. die longbloedvate die longe binnedring tot in die klein longbuisies.  Hulle beweeg dan op in die lugpyp, word uitgehoes, ingesluk en beland dan in die dermkanaal waar hulle tot volwasse wurms ontwikkel.  (RAAR MAAR WAAR !)

Die lewenssiklus van haakwurm in honde	Haakwurm in die dunderm

Die hele lewenssiklus neem ongeveer 2 weke om te voltooi wat beteken dat klein hondjies al op 2 weke oud besmet kan wees met bloedsuiende volwasse wurms.  'n Teef wat as klein hondjie besmet is kan tot 4 werpsels deur haar melk besmet.  In katte is haakwurm gewoonlik nie so 'n groot probleem nie en die besmetting vind slegs mondelings of deur die vel plaas.

Tekens van besmetting:

• Gewigsverlies
• Bloedarmoede
• Skielike vrektes in jong hondjies
• Swart of bloederige mis

BELANGRIKHEID IN MENSE:
Die larwes kan deur die vel van mense dring(bv. kinders wat in sandput speel) en onder die vel migreer. Dit is gewoonlik baie irriterend.

---

SPOELWURM

Hierdie is 'n baie algemene wurm in honde en katte.  Haakwurm word selde gesien in die mis maar spoelwurm is baie maklik om te sien — hulle lyk soos wit erdwurms.  Die teef word besmet as sy eiers mondelings inneem, die larwes broei uit en migreer deur die weefsel van die teef.  Hulle besmet dan die ongebore kleintjies in die baarmoeder of soms deur die melk en ontwikkel tot volwassenes in die dermkanaal.  Eiers kan vir lang tye (selfs jare lank) in die omgewing oorleef as toestande gunstig is. Ander diere soos muise en insekte kan as tussengashere optree.

Die lewenssiklus van spoelwurm in honde	Erge spoelwurmbesmetting in 'n hondjie

Tekens van besmetting:

• "Boepens"
• Diarree en soms konstipasie
• Vomisie
• Gewigsverlies
• Buikkrampe

BELANGRIKHEID IN DIE MENS:
Dit kan die mens besmet deur kontaminasie van kos en hande.  Kinders is veral vatbaar waar hulle speel op grond of gras.  Die eiers word mondelings ingeneem en die larwes kan na alle organe migreer bv.  lewer, longe en selfs brein.

---

SAMBOKWURM

Slegs honde.  Nie baie algemeen nie.  Eiers word mondelings ingeneem, broei uit in die dunderm en die larwes penetreer die slymvlies van die dunderm en blindederm waar hulle tot volwassenes ontwikkel.  Die lewenssiklus neem ongeveer 70 tot 90 dae om te voltooi. 

Tekens van besmetting:

• Diarree
• Bloed in mis
• Bloedarmoede  (selde)

Sambokwurm het geen effek op die mens nie.

---

LINTWURM

Lintwurm is die mees algemene wurm by katte.  Daar is 'n magdom verskillende lintwurm spesies wat honde, katte, beeste, skape en varke affekteer. 

Daar is hoofsaaklik 2 groepe belangrik in troeteldiere:

1. By die eerste groep tree vlooie en myte op as tussengasheer.
2. By die tweede groep tree skape, bokke, beeste en varke op as tussengasheer.

---

Groep 1

Honde en katte word besmet met die wurms wanneer hulle hulself skoonlek en van die vlooie inneem.  Die wurms ontwikkel tot volwassenes in die dier se dermkanaal binne drie weke.  D.w.s. 'n dier kan weer binne 3 weke besmet wees na behandeling en dit is hoekom eienaars soms kla dat hulle die dier ontwurm het en dat dit nie lyk of dit effektief was nie.  Goeie vlooibeheer is noodsaaklik om hierdie groep te beheer.

BELANGRIKHEID IN DIE MENS:
Kinders wat met troeteldiere speel en per ongeluk besmette vlooie inneem, sal net soos die diere ook dan lintwurms ontwikkel in die dermkanaal.

Die lewenssiklus van lintwurm (Dipyllidium)	Lintwurm in die dunderm

---

Groep 2

Die wurms vorm siste in die spier, brein en ingewande van hierdie diere.  Die siste word ingeneem waar ongekookte afval en diereprodukte aan honde gevoer word, waarna die siste dan verder tot volwassenes in die dermkanaal ontwikkel.  Om hierdie groep te beheer is dit noodsaaklik om nie ongekookte vleis en afval aan u honde te voer nie.

BELANGRIKHEID IN DIE MENS:
Hierdie groep is baie gevaarlik aangesien dit siste in die mens kan veroorsaak en hierdie siste kom dikwels in die brein voor. Gelukkig is hierdie lintwurms nie baie algemeen in ons area nie.

Tekens van lintwurmbesmetting in diere:

• Wurms word opgemerk in die mis — lyk soos plat "ryskorrels" of in stringe.
• Met erge besmetting kan daar gewigsverlies, vomisie of diarree wees.
• Honde skuur op hul agterstewes

4-Jarige deur hond doodgebyt

Die hond is reeds Saterdag na die voorval deur personeel van die munisipale skut verwyder en is vanoggend uitgesit.

OUDTSHOORN NUUSFLITS - 'n 4-Jarige seuntjie van Oudtshoorn is Saterdagaand deur 'n hond in Leeubekkieweg doodgebyt.

Pieter-Lee Frans is net na 21:00 in die hospitaal aan sy wonde dood.

Volgens die polisie het die hond op die erf gebly waar die kind was. Die kind is met privaat vervoer na die hospitaal geneem.

Die Oudtshoorn Courant het vanoggend met die familie probeer kontak maak maar, volgens 'n pastoor wat daar was, wil die familie nie oor die voorval praat nie. Die kind se ouma het egter met die Oudtshoorn Courant gepraat. Volgens haar was Pietie (soos hy by sy familie bekend was), 'n liefdevolle kind.

"Dit is steeds 'n groot skok vir ons. Hy was waarlik 'n liewe kind," het sy gesê.

Dapper hond betaal met lewe

’n Hond sal tot die dood toe baklei om sy eienaars te beskerm. En dit is presies wat Karen van der Berg (32) van Petrusburg se Jack Russell, Jamal, vandeesweek gedoen het toe hy haar en haar tweejarige dogtertjie, Andrea, met sy geblaf gewaarsku het toe hy ’n geelslang in hul tuinbedding gewaar het.

VELPROBLEME BY HONDE (SKURWE KOLLE/DROE VEL/BRANDSIEK)

SKURWE KOLLE EN DROE VEL:

• Myte! Meng gelyke hoeveelhede Bloekomolie (Eucalyptus oil), Citronella olie, Dettol en vanilla en spuit honde en hul slaapplek daagliks daarmee, dit werk!

• Blomswael (Flowers of Sulpher). Gooi dit oor die hond se kos.  Kwart teel elke derde dag vir klein honde, half teel elke derde dag vir medium honde,  en een teel elke derde dag vir groot honde. Baie effektief! 

• As jou hond  ‘n droë vel of skurwe plekke op sy lyf het en dit stukkend krap, meng 1 teel Blomswael en 2 teel Olyfolie,  Aquas cream (ongegeur) of vaselien. Meng dit goed en smeer in die oggend en die aand aan die plek. Werk baie goed!

 • Nadat jy jou hond gebad het, smeer met appelasyn! Vryf goed in vel in, moenie afspoel. Appelasyn kan daaglik aan die hond aangespuit word , dit werk!

• Meng asyn met kookolie en smeer die hond se hele lyf daarmee. Doen dit vir 3 dae en dan eenkeer n week. Die asyn hou vlooie weg en olie help vir droe vel.

• Meng Aquas cream met Tee Tree oil. Smeer aan die plekke waar hy krap, dit werk soos n bom!

• Meng een bottel goeie honde shampoo, met halwe botte Bergamott essence, en halwe botteltjie Tea Tree Oil - was 2 keer 'n week. Dan natuurlik daagliks Bob Martins! 

• Gooi sout in drinkwater. My worsie krap minimaal en hare val minder uit of amper niks: 1 teel sout op 2 lt water. Ek meng 5 lt water met 1 en half teel growwe sout en dis wat sy kry, dis nou die 3 week, sy krap glad nie meer, en haar vel ook nie meer so droog nie.

• Vitalin mans haarolie! Smeer aan en die droë kolle verdwyn byna oornag. Dit voed die vel en haarwortel. (By mans haarkappers, Dischem en apteke te kry)

• Vita Cote verkrygbaar by veearts en nie duur nie.

• Sjampoo SebbaDerm. Dit kos so R80 maar glo my dit werk! (Veeartse)

• Gooi ‘n bietjie olyf of sonneblom olie daagliks oor die kos, maak die vel mooi en die hare blink.

ALLERGIE:

• Gekrap kan baie keer die gevolg wees van kos-allergie (kleurmiddels in droë korrels). Verander kos, en gee altyd net goeie gehalte kos. (Montego, verkrygbaar by veeartse, uitstekend vir honde met kos-allergie)

• Gras- allergie kan ook gekrap tot gevolg hê. Allergex pille help goed daarvoor.

• Ecovet se Scratch meds.... dis natuurlik en baie goed! (Dischem of veearts)

BRANDSIEK:

• Blomswael (Flowers of Sulpher). Gooi dit oor die hond se kos. Baie effektief. (Apteke) Kwart teel elke derde dag vir klein honde, half teel elke derde dag vir medium honde,  en een teel elke derde dag vir groot honde. Baie effektief! 

• Meng 1 teel Blomswael en 2 teel olyfolie, Aquas cream (ongegeur), vaselien of vet. Meng dit goed en smeer in die oggend en die aand aan die plek. Werk baie goed! 

Drie lewensgeselle

Kos: KFC, of enige voël, pizza, Big Mac, roomys, yogurt, vrugte (maar nie appel), neute, chips.

Habitat: Op en in die bed – natuurlik

Gewoontes: Spring op 3 bene, blaf vir kos, dagdroom in die Zen-posisie, bewe soms baie, piepie as dit reën net op die stoep.

Kos: Alle vrugte en groente, is eintlik ‘n vegetariër, chips en neute.

Habitat: Op eie bed langs bedkassie, onder bed, in eie tent, bo-op handsak, bo-op koerant.

Gewoontes: Knor as sy eers op handsak gaan lê, skrop net soos ‘n hoender, versamel sokkies, lê en blaf, huil in die kar, vra soggens ‘n koekie

Kos: Alles, veral katte

Habitat: Op kussing langs eie bedkassie, teen enige muur met pote wat muur “ophou”

Gewoontes: Kyk TV, draf net soos ‘n ponie, kom haal Rosalind saans by die motor.

Die Wolf en die Woef

Oktober 8, 2008 in honde
Tags: DBV, DNS, honde, SPCA, wolf

Ek is nie bekend daarvoor dat ek van groepe mense hou nie en toe ek so paar jaar gelede van die ‘groep’ kon ontsnap in Washington, is ek reguit (en alleen) na die National Geographic-museum.

Ek was verheug om te sien hulle het ‘n hele uitstalling (dit word gereeld vervang) net oor honde en hulle voorsate die Asiese wolf.

Die ongelooflikste oomblik van liefde en vertroeteling was daar vasgevang in rots. Die versteende fossiele van ‘n vrou en haar hond. Net so presies bewaar. Die hond is saam met haar begrawe, duisende jare gelede en hulle is saam deur paleontoloe in een groot stuk uitgehaal. Haar arms was om die hond gevou, in liefde.

 Ek kan nie meer onthou hoe, waar en wanneer, hulle uitgegrawe is nie. Maar dit is tans die oudste fossiel-bewys van wat navorsers “co-habitation” met honde noem.

Alle honde vandag op aarde, ook die een wat nou hier by my op haar kombersie le, is direkte afstammelinge van die wolf. Teen sowat 14 000 jaar gelede was die prosess van “domestication” al baie goed onderweg, dus was die wolwe al soort van huislike honde. Dit kan sover terug as 20 000 jaar gelede al begin het.

Daar is twee maniere hoe dit kon gebeur het. Die wolwe het op die rand van die jagter-versamelaars se groepies gewoon en stelselmatig al nader gekom, agter die oorskietkos en rommelhope aan, tot hul al makker was, of die mense het die kleintjies geneem en natuurlike seleksie het voorkeur verleen aan die wat die beste kon bedel en aanpas by die mense. Hoe dit ookal sy, die diere het die eienskap geeerf van vleiseters wat in die teenwoordigheid van mense kon eet. Vandag is hul omnivore.

Honde is nou so mak hulle kan nie sonder die teenwoordigheid van mense oorleef nie. Van hulle kry swaar buite die huis. Hulle kry hartsiektes, kanker, epilepsie, allergies en katerakke. 350 siektes in totaal.

Hulle het 39 pare chromosome en deel 5% van hulle genetiese samestelling met die mens. (Die erg bedreigde Afrika wilde hond is nie die voorsaat van die hond nie, hy het net 4 tone ect)

Tog toon die DNS tussen die wolf en die hond min verskille. Die gene wat vir haarkleur, grootte en dies meer enkodeer is nie so baie nie. Daar is soveel verskillende tipes “breeds” van honde, wat so verskillend lyk. Maar onthou dit is steeds dieselfde spesieCanis familiaris . Hulle is steeds almal honde. Dit dui op klein genetiese variasies en dit gaan baie keer saam met bepaalde siektes.

Honde kommunikeer deur te piepie (so moenie te kwaai wees nie – nou en dan moet hy sy huis merk ), ook deur liggaamshouding en posisie, gesigsuitdrukkigs, beweging en vokalisering (uithaal van stembande sal ek persoonlik nie doen nie). ‘n Hond moet reuke kry as hy stap, en piepie, eerder as vreeslik baie oefening (behalwe spesifike tipes wat moet hol). Wag maar dat hy ruik en snuffel, hy ruil briewe uit met ander honde uit.

Terug by daardie uitstalling. Mens kon jou neus in ‘n spesiale buis druk, om te ruik hoe sterk ‘n hond ‘n hamtoebroodjie ruik en ook sien wat ‘n hond sien. Dit was nogal oulik.

En ja, honde het emosies, sommer baie.

Help ‘n arm hondjie/katjie  hier, ek doen met ‘n geldjie elke maand, in ‘n debietorder, hoef nie baie te wees nie. Elke bietjie help.

Het julle geweet dat wanneer daar ‘n brand in ‘n plakkerskamp is verbrand van die diere ook? En dit is die DBV wat gaan help.

http://www.spca-ct.co.za/

Foto: www.nationalgeographic.com Robert Clark (foto is nie gedokter, hulle sit/staan regtig so)

Bronne: National Human Genome Institute, National Geographic

My spog-boekie

Maart 11, 2008 in goeters, honde
Tags: honde, kinders

My ma dra in haar handsak ‘n boekie rond met foto’s van haar kleinkinders en die wys sy orals rond – of mense nou wil sien of nie.

Almal van ons vrees om soos ons ma’s te raak. Ek dink ek vrees dit ook en sowaar ek het ook daai foto-wys-dring in my.  Ek raak seker soos my ma . . .

Ek en geliefde spog met ons drie honde, want met die dat ons nie kinders het nie, is die drie honde maar ons kroos. Twee is verwaarloosde weeskinders en een is aangekoop.

En elke een het haar eie persoonlikheid en sit diep in ons harte.

Die oudste ene, is jare der jare gelede al stukkend, uitgehonger en mishandel onder ‘n bos opgetel. Sy is mal oor jogurt, KFC en biltong. Maar menskos eet sy net bedags en laatnag gaan knibbel sy aan haar eie kos.

Sy slaap saam met ons op die bed. Ja, soms word ek wakker met ‘n poot in my mond, maar ai, sy verstaan my diepste wese.

Dis sy hier onder:

Dan is daar die ene hier onder, wat ons byna vier jaar gelede by die weeshuis gaan haal het. Sy slaap in die winter sommer tot 10 uur soggens. Sy het wonderlike smaak en hou veral van handsakke. Sy gaan maak haar tuis op enige handsak en grom as jy dit wil vat.

Sy is ‘n opgaarder van formaat – veral klere en koerante neem sy na haar hoekie in die kamer. Haar ogies kan baie diep kyk.

Die ene het ons 5 jaar gelede as baba gekoop. Sy is die heel eerste hond in my lewe wat ek ken wat TV kyk, soos in regtig. Sy le skuins oor die bed en kyk, elke aand. Sy le ook met haar pote in die lug en slaap en/of sy le en hou die muur vas.

Die hond is bitter slim en mens kan haar nie lok met kos of probeer uitvang nie, sy vang jou uit. Sy is sagmoedig, maar het ‘n diep blaf wat mense bangmaak en dit pas my.

Hoe kaal sal ons lewe nie sonder julle drie wees nie. Ons praat met hulle, liefkoos julle, bederf hulle en leef met julle, soms word ons vies vir julle. Maar julle is ons liewe kinders.

Psira Honde Hanteerder Opleiding

n terme van bestaande wetgewing en regulasies met betrekking tot die gebruik van honde in die sekuriteits bedryf is enige organisasie of individu genoodsaak om aan die nodige registrasies by PSIRA te voldoen. Braveheart Bio-Honde Akademie is ten volle ge-akkrediteer om PSIRA en SASSETA ge-akkrediteerde honde en honde opleiding aan te bied ten einde verbruikers te beskerm en sekuriteits verskaffers in lyn met wetgewing te bring. Vir meer informasie besoek: www.braveheart.co.za

Braveheart Bio – Hond Akademie

Braveheart Bio - Hond Akademie is 'n wetenskaplik gefundeerde hond- opleidingseennheid en hondhanteerder opleidingsentrum wat spesialiseer in die opleiding van plofstof en narkotika reukhond sowel as patrolleringshond persoonlike beskermingshond en spoorhond .ons bied ook gepatenteenteerde kennels aan <kyk> products services. Braveheart Bio- Honde Akademie <gestig in 1987>bied dienste aan ten opsigte van die opleiding asook verkoop van honde insluitende die opleiding en die opleiding van hond vir persoonlike beskerming en die opleiding van hond en hanteerders vir gespesialiseerde aan wendings soos wat internasionaal deur staatsowerhede en die privaat sektor vereis word.

Braveheart Bio-Hond Akademie

• Bedryf ‘n prosessionele opleidingsakademie vir honde en hanteerders (honde-opleidingskool – loopbaangeleenthede: Hoe om ‘n hondehanteerde te word).
• Is ‘n geakkrediteerde diensverskaffer aan SASSETA ( Safety And Security Sector Education And Training Authority) asook vir PSIRA (Private Security Industry Regulatory Authority), met gekwalifiseerde, geregistreerde Assessors en Moderators.
• Verskaf sertifikate van bevoegdheid aan beide hond en hanteerder.
• Doen opleiding van honde en hanteerders ten opsigte van
  • Hondegehoorsaamheidsopleiding
  • Persoonlike Beskermingsopleiding
  • Waghond opleiding
  • Dienshond opleiding
  • Patrolleringshond opleiding
  • Spoordienshond opleiding
  • Substansie-opsporingshond opleiding (reukhonde)
    • Narkotika opsporingshond (dwelmhond) opleiding
    • Springstowwe opsporingshond bomhond) opleiding
• Bied sosialiseringsopleiding van jong hondjies aan.
• Integreer honde in families as metgeseldiere.
• Huur honde en kennels uit.
• Bied streng gekeurde honde te koop aan.
• Verskaf ‘n kenneldiens aan kliënte se honde.
• Verskaf dienshond toerusting.
• Bied ‘n wetenskaplike hondegedrag konsultasiediens aan.
• Verskaf internasionaal en plaaslik ‘n konsultasiediens aan regerings- sowel as privaat instansies.

• Navorsing & Ontwikkeling

  Braveheart Bio-Hond Akademie het sy eie navorsingseenheid wat plaaslik en internasionaal werk, onder leiding van eienaar John Greyvenstein. Hy hou die grade BSc (Dierkunde) (Hons) en MSc (Genetika)en het sy tesis oor werkhonde gedoen.
  Die navorsingspan van Braveheart Bio-Hond Akademie het in 2005 ‘n belangrike deurbraak gemaak in die opspoor van narkotika en plostowwe deur middel van reukhonde. Hulle het nuwe opleidingshulpmiddels ontwikkel wat meer akkuraat en effektief is vir die suksesvolle opleiding van narkotika opsporingshonde en springstowwe opsporingshonde.
  Die navorsingseenheid het ook ‘n unieke kennelsisteem suksesvol gepatenteer wat wetenskaplik onwikkel en getoets is om die gemak van die hond te verbeter asook die taak van sy oppasser te vergemaklik – en terselfdertyd ‘n substansiële besparing bewerkstellig.

(Grafiese foto’s) – Pit bulterriërs verskeur honde

Die bloed teen die palissade en op die plaveisel waar twee pit bulterriërs verlede naweek 'n rifrug deur die heining probeer trek het.

Sowat ‘n maand gelede is ‘n negejarige kind ernstig beseer toe ‘n familielid se pit bulterriër uitgekom en die kind se boude verskeur het.

Volgens kapt. Khanyisile Zwane (polisie mediawoordvoerder) het die kind vanaf die Vrystaat by familie in Uitbreiding 18 gekuier. Die kinders het per ongeluk die hek oopgemaak waar die hond gehou is.

Die eienaar van die hond het die dier laat uitsit en die kind se ma het besluit om nie ‘n saak te maak nie. Kapt. Zwane het gesê dat die honde-eienaar die mediese kostes, wat derduisende rande beloop, betaal het.

In dieselfde tyd wat die kind gebyt is, is die Lötter-gesin in Cowen Ntulistraat (Gholfsig) deur erge trauma toe hul spanjoel, Lulu, deur twee pit bulterriërs deur hul palissadeheining getrek is. Hul Yorkshire terriër, Frikkie, is dieselfde dag ook deur die heining gebyt en ‘n gedeelte van sy bek is afgeskeur.

Die egpaar was nie tuis nie en een van die bure, me. Anneke de Bruyn, het met die bebloede honde na die veearts gejaag. Lulu was só erg verskeur (haar gorrel was onder andere uitgeruk) dat die veearts die dier moes uitsit.

Frikkie moes narkose kry om die verskeurde vel aan die kant van sy bek af te haal en die gat in sy kop te heg.

“Die uitsit van Lulu en Frikkie se operasie het ons R4 000 uit die sak gejaag en dit het ons R5 000 gekos om Lulu te vervang om die hartseer makliker te maak vir ons drie kinders.”

Hulle het mnr. Kobus Janse van Vuuren (die eienaar van die pit bulterriërs), wat oorkant die pad bly, van die voorval in kennis gestel. Hulle het vir hom gesê sy honde kom uit, omdat die palissadehek onverklaarbaar kort-kort oopmaak.

Op 17 Oktober was die slot nie op die hek nie en het die hek wéér oopgegaan. Hierdie keer het die honde die Lötters se rifrughond deur die hek beetgekry.

In die proses om die groot hond deur die palissade te probeer trek, is stukke van die plaveisel uit die grond uit geruk en die palissades gebuig. Een van die buurmanne het met sy voertuig tussen die honde probeer injaag, maar die pit bulle wou nie laat los nie. ‘n Groot gedeelte van die hond se kopvel is oopgeskeur en van haar tande is uitgebyt.

Die Lötters se veeartsonkostes het weer bykans R4 000 beloop.

Me. Lötter sê hulle het met mnr. Janse van Vuuren probeer praat oor die aangeleentheid, maar hy het sy skouers opgetrek en gesê dat daar fout is met die hek. Hy sê egter dat hy wel aangebied het om die kostes te verhaal en dat sy honde nié aggressief is teenoor mense nie.

Me. Lötter het besluit om ‘n kriminele klagte by die polisie aanhangig te maak.

• Bekende apteker Steve Dickinson het hierdie week gesê dat sy een labrador, Lloyd, drie weke gelede deur dieselfde twee pit bulterriërs aangeval is. Verlede week is sy ses maande oue labrador, Dexter, ook gebyt.

“Ek het nie ‘n saak gemaak nie, omdat my honde ook in die straat was. Daardie twee pit bullterriers is vicious! As my hond so gelyk het, dink hoe sal ‘n kind lyk as hulle beetgekry word!”

• Die DBV is Woensdagmiddag deur die Janse van Vuuren egpaar gekontak om die diere te gaan uitsit.

Senior inspekteur Petro Oberholzer het dit duidelik gestel “dat ons nié die diere weggevat het nie! Die eienaar het hulle vrywillig oorgeteken

BLAFFENDE HONDE – MAAK SÓ

Ons het ‘n interessante artikel oor hondbyte in ons 3 Oktober-uitgawe. Lees hier meer oor ander hondeprobleme soos ‘n knaende gekef en ‘n geleentheid vir lesers

Geleentheid vir lesers:
Rob Hendry, stigter van Pack Leaders - South Africa Instinctual Canine Behaviour Specialization, beplan om saam met Danny K ‘n TV-program te doen wat hondegedragsprobleme en inligting oor onder meer ras en die keuse van ‘n hond gaan insluit. Lesers in die Johannesburg- en Pretoria-omgewing kan ‘n e-pos aan info.packleaders@gmail.com stuur. Stuur probleme of kwessies, jou kontakbesonderhede en ‘n videogreep vir hom. Suksesvolle applikante sal gekontak word. 
Hou honde se knaende gekef en geblaf jou uit die slaap?
Volgens Rob Hendry, stigter van Pack Leaders - South Africa Instinctual Canine Behaviour Specialization, is blaffery ‘n simptomatiese gedrag met verskeie oorsake en kan nie aan ‘n spesifieke ras gekoppel word nie. Rob noem dat verveeldheid, vrees, eensaamheid, skeidingsangs en honger algemene oorsake van ‘n geblaf is. 

Die rede waarom sommige honde meer as ander blaf, het te doen met die werkverdelingswet, wat hulle as tropdiere beheer, net soos hul voorouers, die wolf, sê John Faul, ‘n dieregedragskonsultant. 

Die laerranglede van die trop het die mees weerlose posisies in die trop ingeneem en dit was hul werk om die vroegste waarskuwingsisteem van die trop te wees wat alarm kon maak en hulp by die ander kon versoek (om hulp roep). Dan is daar ook die komponent van geleerde blafgedrag soos skeidingsangs waar die arme hond in die leierskapsrol gedwing is wanneer ons by hulle is en dan hopeloos verlore is wanneer ons nie by hulle is nie. 

Dan is die enigste opsie vir die hond ‘n “roepblaffery” om sy onsekerheid aan die troplede te kommunikeer in ‘n poging om hulle terug te bring. Uitermatige gebiedsgebonde geblaffery vind plaas wanneer die betrokke hond in een of ander uitgerekte magstryd met ‘n ander hond of selfs ‘n mens in die trop gewikkel is en die blaffery gebruik om aandag te trek.
Volgens Chris Kuch, woordvoerder van die Nasionale Dierebeskermingsvereniging val ‘n “oorlas”-geblaf (nuisance barking) onder der die geraasverminderingregulasies/stiltegebiedregulasies van die plaaslike rade. Hierdie regulasies verskil ook van gebied tot gebied en daar is ook variasie kragtens wie dit afdwing en by wie klagtes ingedien moet word, sê Chris.
Volgens Louise Thompson, ‘n geakkrediteerde dieregedragskonsultant van Gauteng, is van die rasse wat dikwels hierdie ongevraagde gedrag toon onder meer miniatuurrasse soos die worshond, miniatuur- schnauzer, die Yorkshire-terriër, Jack Russell-terriërs, Suid-Afrikaanse malteser (wat in werklikheid terriërs is); miniatuur-pincher en dwergkees. Trouens, die meeste terriërs is geneig om te kef as die gedrag nie vanaf 'n vroeë ouderdom gevorm of herlei word nie, sê Louise.
John beveel aan dat as jy met enige van die genoemde of ander probleme sukkel jy met die Animal Behaviour Consultants of SA in kontak moet kom wat jou na een van hul geregistreerde konsultante sal verwys. 

Blaf jou hond te veel? 
Volg Louise se wenke om die vrede te help bewaar:
• Sorg dat jou hond gereeld oefening kry. ‘n Paar goeie stap- of speelsessies per dag kan help om jou hond kalm te kry en sal hy dalk in plaas van heeldag blaf, eerder heeldag slaap. “’n Moeë hond is ‘n goeie hond!”
• Laat hom kou. Jou hond sal dit moeilik vind om te blaf as hy besig is om aan bene of hondespeelgoed te kou.
• Kou is ‘n goeie stresverminderaar en neem tyd in beslag. As jy vir ‘n ruk gaan weg wees, gee jou hond sy gunstelingkouding net voor jy vertrek.
• Gee hom iets om oor te dink. As jou hond alleen en raserig raak wanneer jy weg is, vryf oor sy koulekkerny voor jy vertrek. Die reuk sal hom aan jou herinner en hy sal jou dalk nie so baie mis nie.
• Verbloem buite- of mededingende geluide. As jou hond supersensitief vir geluide in die omgewing is, probeer sommige van dit uitblok. White Noise-masjiene en om jou musieksentrum op ‘n normale klankvlak te speel, kan hiervoor werk.
• Dring aan op stiltetyd. Soms sal 'n hond aanhou blaf selfs nadat jy sy waghondblaffery erken het. Sê “stil!” vir die hond op ‘n skerp, maar sagte manier en indien hy dan ophou, prys hom van harte.
• Dit sal nie skade doen om jou hond ‘n lekkerny te gee as die geraas ophou nie. Wanneer jy dit doen, trek jy sy aandag af van die blaffery en help dit om hom te laat agterkom dat dit goed is wanneer hy stop.
• Sommige honde, nes mense, haat dit om sonder ‘n gehoor te “praat”. Wanneer al jou prys en bevele hom nie laat stilbly nie, loop weg. Die kans is goed dat jou hond jou graag in sy omgewing wil hê. As jy dus jou rug draai en wegloop, kom hy dalk agter dat hy besig is om iets verkeerds te doen.
• Bring jou hond in. As jou hond buite slaap en daarvan hou om sy stembande saans te oefen, sal jy hom dalk wil inbring waar daar minder is om oor te blaf.
• Weet wanneer om strategieë te verander. As jy nie binne drie tot vyf dae enige verbetering gesien het wanneer jy een van die teen-blaf-tegnieke gebruik het nie, probeer ‘n ander een.
Daar is ook verskeie toestelle beskikbaar om ontoepaslike blafkwessies te behandel, maar Louise beklemtoon dat daar geen vinnige oplossings vir hierdie probleem is nie en dat dit tyd, geduld en moeite verg om dit te verander. ‘n Elektriese halsband wat die hond skok wanneer hy blaf, is volgens Louise ‘n wrede en ontoepaslike toestel wat onbekende en selfs gevaarlike gedrag in honde kan veroorsaak. 

Honde

Honde het oefening, goeie sorg en liefde nodig. Kom ons geniet hulle en waardeer hulle, want hulle is van die mens se beste vriende.


Daar word beraam dat die markte vir items rondom troeteldiere al hoe meer groei en dat mense nou deesdae vir hul honde al hoe meer Kersfeesgeskenke en allerlei items en speelgoed koop. Dis serpies, brakkie-jakkies, reënjasse, hoedjies, truitjies, skoene en "doggles" (brille vir honde wat in sneeu-areas moet werk). Praat nie eens van die kombersies, mandjies, bakke, matrasse, bedjies en vele ander items. Vir baie mense is hul "brakkies", ras-eg of nie, te dierbaar mooi en word net soos kinders behandel.


Duitse Herdershonde (Alsatians), Bloedhonde, Doberman Pinchers, Rottweilers en andere word deesdae baie goed gebruik as polisiehonde, sekuriteits-hulp en as snuffelaars by ramp- of oorlogsgebiede. Daar word ook honderasse, wat goeie swemmers is, soos Portugese waterhonde en die Newfoundlanders, by waterreddingswerk aangewend. Die St. Bernard's is bekend vir hul opsporingswerk tydens sneeustortings. Tydens die vorige eeu is Dalmatians gebruik saam met brandbestryding. Aanvullend tot die hondewerkers-korps is daar honde soos die Border Kollie, Bernese berghond, Ou Engelse skaaphond en Belgiese skaaphond, wat baie goeie wagters of skaap- of ander veeherders uitmaak. Hierby kan ook sleehonde genoem word, soos die blou-oog Alaska Malamute, waarsonder die volke naby die Noordpool baie moeilik oor die weg sou kon kom gedurende die vorige eeue.
Daarby het talle honde, benewens die feit dat hulle waarde toevoeg tot hul eienaars se lewens, ook nog nut as deel van die sg. werkersklas of hulphonde. Dit is is veral hul goeie reuk- en sig- sintuie wat hulle so bruikbaar maak op hierdie terrein. In die werkersgroep vind mens die gidshonde wat hulp verleen aan blindes, maar ook ander hulphonde wat aan dowes of ander gestremdes hulp gee. Toetse deur navorsers het ook getoon dat pasiënte se bloeddruk byvoorbeeld daal as hulle 'n hond streel en vandaar die gebruik van terapie-honde by pasiënte.


Party honde het spitsgesigte soos die Keeshond, Samoyed, Husky en die Foksterriërs en ander het plat gesigte soos die Pug en Bulhonde. Daar is ook die wat koddig kort op die bene is, soos die Dachshund (beter bekend in die volksmond as Worshondjies), Welsh Corgi's of die Skotse Terriërs. Die Chow-Chow's het die besondere kenmerk van hulle blou tonge en daar is selfs 'n ras wat byna geen hare het nie (Chinese Crested Dog), wat al sedert die Hang-dinastie bekend is en die Chinese Sjarpei, wat lyk asof sy vel oral rimpel en om hom vou soos 'n los kombers.

Sommige soorte het gladde hare waarvan die Windhonde, Bul Terriër en Wolfhonde deel vorm. Ander soorte het krulhare soos die Poedels en Bedlington Terriërs. Nog ander het mooi lang en sagte hare soos die Maltese, Labradors en Kolliehonde.

12 interessante feite oor honde

Honde het 'n veel interessanter geskiedenis as wat die meeste van ons vermoed. Het jy gedink jy weet baie oor honde?

Honde het 'n veel interessanter geskiedenis as wat die meeste van ons vermoed. Het jy gedink jy weet baie oor honde? Lees hierdie interessante feite en dink weer.

• Alle honde stam waarskynlik van 'n klein grys wolf af. Hulle is oorspronklik gedurende die Paleolitiese Tydperk deur mense getem en het skynbaar ongeveer 13,000 jaar gelede die eerste keer in Eurasië verskyn.
   
• Dingo's is nie inheems in Australië nie – hulle is die eerste keer duisende jare gelede deur immigrante daar gevestig.
   
• Honde is tropdiere en leef volgens 'n streng hiërargiese stelsel. Selfs in 'n huishoudelike opset, waar daar meer as een hond is, sal net één die 'baas-brak' wees.
   
• Honde is uiters territoriaal en dit is hoekom dit maklik is om hulle as waghonde op te lei.
   
• Honde hoor beter as mense en katte. Hulle kan klanke van 35,000 vibrasies per sekonde hoor (vergeleke met ons 20,000 en 'n kat se 25,000).
   
• Die grootste honde is die Great Dane en die Ierse Wolfhond. Die kleinste is die Chihuahua, die Yorkshire Terriër en die Toy Poedel.
   
• 'n Mens het ongeveer 5 miljoen reuk-reseptors, wat maar min is in vergelyking met party honderasse: 'n Worshond het 125 miljoen en 'n Wolfhond 220 miljoen.
   
• Verskeie honde het die rol van Lassie in 'n reeks rolprente gespeel.
   
• Die vinnigste honde op aarde is Windhonde wat 'n topspoed van ongeveer 72km per uur kan bereik.
   
• Die Poedel se haarsnit het, al klink dit snaaks, oorspronklik 'n doel gehad. Dit het hierdie jaghond se swemvermoë verbeter en die ‘pom-poms’ is daar gelos om hulle gewrigte warm te hou.
   
• Op ouderdom een is 'n hond die ekwivalent van 16 mens-jare oud; op twee is hulle 24 en op drie is hulle 30. Vir elke hond-jaar daarna, tel 4 mens-jare by.
   
• Oorlewendes van die Titanic sluit twee honde in: 'n Pekinees en 'n Pomeraniër.

Honde wat baklei (2)

Antwoord van dr. Sunelle

 

Dit wil vir my voorkom asof daar verskeie gedragsprobleme teenwoordig is en nie net die bakleiery nie. Daar is ongelukkig nie ‘n vinnige oplossing vir die probleme wat u hieronder beskryf nie. Ek stel voor dat julle ‘n gedragspesialis nader. Aangesien julle in Pretoria gebaseer is, kan julle dr. Quixi Sonntag (Quixi@mweb.co.za) se praktyk kontak. Vir ‘n gedragskonsultasie kan julle vir mev. Hester van Aarde kontak by 0125298207 of hester.vanaarde@up.ac.za

 

Dit is baie beter om nou die probleem aan te spreek, want hoe langer julle wag, hoe groter gaan die gedragsprobleme word.

Antwoord

Ek benodig asb die volgende inligting om van hulp te wees:

1.   Watter geslag is die twee honde?

2.   Beskryf asb. hoe hulle baklei

3.   Is daar enige iets wat as ‘n algemene sneller geïdentifiseer kan word vir die bakleiery?

 

Dr. Sunelle Strydom

 

Antwoord van eienaar:

Beste Dr,

 

Baie dankie dat u teruggekom het. Graag die volgende inligting soos versoek:

 

1. Hulle is altwee reuns en is nie gekastreer nie. Ons het die Doberman as ‘n baba gekry en hy het groot geword voor die Boerboel

2. Hulle gryp mekaar die meeste van die tyd aan die keel of kop. Nie een van die twee kry regtig die ander een onder nie, so hulle is die heeltyd op hulle voete as hulle baklei.

3. Kos: ons sorg altyd dat hulle apart is as hulle eet, maar partykeer kom hulle uit voor ons dit kan keer.

As ons by die hek inry, is hulle baie laf en is hulle bly ons is by die huis, dan gryp hulle mekaar sommer van opgewondenheid.

Vraag

Ek het twee groot honde, ’n Boerboel en ‘n Doberman. Die Boerboel is 7 jaar oud en die Doberman 2 jaar oud. Hulle baklei nie te gereeld nie, maar as hulle die dag baklei dan baklei hulle vir tot 2 ure aanmekaar. Ons het al alles waaraan ons kan dink probeer om hulle uit mekaar te kry. 1. Gooi hulle met warm of koue water. 2. Gebruik die tuinslang en spuit hulle sopnat 3. Maak geraas en raas hard 4. Druk stok of iets in hulle bekke Maar niks help nie, help asb. Ons is raadop!

Anaalsaksiekte in honde

• Impaksie geskied as die vloeistof versamel en verdik sodat die sakke opswel en moeilik leegmaak. ‘n Veearts kan die geïmpakteerde kliere leegmaak deur die druiwetrosvormige sakkies se verdikte inhoud uit te druk.
• Die tweede stadium is inflammasie van die anale sakke. In hierdie stadium raak die verdikte vloeistof besmet deur bakterieë.
• Die derde en finale stadium is absesvorming van die sakke. Hierdie toestand is pynlik en dit mag selfs ‘n operasie verg om die probleem op te klaar. Partykeer bars die abses oop langs die anus met etter wat dreineer.

Gewoonlik moet honde met anale sak siekte se vloeistof in die sakke gereeld uitgedruk word. Jou veearts is die aangewese persoon om jou hond te behandel.

Oorsake

Die oorsaak van anaalsiekte is onbekend. Oormatige annaalklier produksie, sagte mis of diarree, swak spiertonus en vetsug mag ‘n rol speel in die voorkoms van hierdie siekte.
Voorkoming

Deur die anaalsakke gereeld (elke paar maande) te ledig sal voorkom dat die vloeistof weer verdik. Hoë vesel diëte help ook om die siekte te voorkom in hoë risiko rasse, veral as hulle oorgewig is.

Neem jou hond na die veearts want daar mag ook ander toestande teenwoordig wee swat die hond laat skuur.

Oorsig:

Anaalkliere is die reservoirs vir die afskeidings van die anaalkliere wat aan weerskante van die hond se anus sit. Hierdie sakke bevat vloeistofafskeidings van die anaalkliere en in gesonde diere is die afskeidings gewoonlik lig geel-bruin tot grys van kleur. Die inhoud van die sakke word gewoonlik leeg gemaak gedurende normale dermbewegings of as die hond senuweeagtig of bang is. In meeste gevalle word die sakke maklik leeg gemaak. Daar is wel honde, veral die kleiner rasse, waar die sakke nie behoorlik leeggemaak word nie en hulle loop gevaar om anaalsaksiekte op te doen.
‘n Hond met anaalsaksiekte mag sy anus op die grond skuur om te probeer om die sensasie van druk en irritasie om sy rektum te probeer verlig. Honde met hierdie probleem mag selfs sy stert jag en hulle agterente byt of lek om die ongemaklikheid te probeer verlig.

Daar is 3 stadiums van die siekte nl. Anale sak impaksie, anale sak infeksie en anale sak abses.

Antwoord

Die toestand in honde mag wees dat die anale sakke geïmpakteer is –  dat hulle infeksie of selfs ‘n abses mag hê.
Geaffekteerde diere:
Alhoewel enige hond aangetas kan word, is dit meestal die kleiner rasse soos chihuahuas, worshonde, miniatuur honde of klein poedels wat veeartse sien met anaalklier probleme. Katte word minder dikwels gesien.

Vraag

Ek het ‘n reggemaakte groot reun hond wat al taamlik oud is. Hy bly sy agterstewe skuur. Ek het hom al ‘n paar keer ontwurm, maar dit hou nie op nie.